Mir bastlen Wurzl – Rudis!

Mir basteln fei itze aa de Wurzl – Rudis!

Im Juni 2022 ham mir de ehrnamtliche Bastelei
vu unnern schenn Wurzl-Rudis iebernumme.
Weil siech kaane annern gefundn ham, die siech die Arbit iebern Hals machn wolltn, su tune mir des halt for unnere Stadt, dodormit die schenn Rudis net ausstarbn –

wär doch Schod drim! 
Des Bastln macht uns viel Spaß, is aber aa mit jeder Meng Handarbit vorbundn.
Un is dauert fei ganz schie lang, bis mor su en Rudi aus den vieln Anzeltaln fertich zamgebastlt hat!

Do gibt’s ja aa in ganzn Haufn unnerschiedliche
Wurzl-Rudis:
in Rudi als Fingerpupp, Hängerudi, Wannerer, Schwammegieher, Kantnhocker, sugar in Räichermaa, unsuwetterunsufort.
Mor muß halt allis schie dor Reih nooch mit eweng Geschick machn, dann werds schu warn.
Vortriebn wern die Rudis ieber de Stadt-Info,
die alle Rudis noocherts vortaalt.

Do krichts Museum welche – halt, des haaßt ja itze SCHATZHAUS ERZGEBIRGE!
Annere wern ofn Auerschbarg vorkaaft oder sei aa in dor Sose oder in Carlsfald ze hobn.