Mir basteln fei itze aa de Wurzl – Rudis!
Im März 2022 ham mir de ehrnamtliche Bastelei
vu unnern schenn Wurzl-Rudis iebernumme.
Weil siech kaane annern gefundn ham, die siech die Arbit iebern Hals machn wolltn, su tune mir des halt for unnere Stadt, dodormit die schenn Rudis net ausstarbn –
wär doch Schod drim!
Do gibt’s ja aa in ganzn Haufn unnerschiedliche
Wurzl-Rudis:
Des Bastln macht uns viel Spaß, is aber aa mit jeder Meng Handarbit vorbundn.
Un is dauert fei ganz schie lang, bis mor su en Rudi aus den vieln Anzeltaln fertich zamgebastlt hat!
Mor muß halt allis schie dor Reih nooch mit eweng Geschick machn, dann werds schu warn.
Vortriebn wern die Rudis ieber de Stadt-Info,
die alle Rudis noocherts vortaalt.
Do krichts Museum welche – halt, des haaßt ja itze SCHATZHAUS ERZGEBIRGE!
Neierdings kaa mor se aa am Postplatz in dor neie Vorkaafsstell – in dor „REGINE“ kriegn, do luhnt siechs suwesu emol nei ze gieh!
Do gibts allerhand aus unnerer Regjon!
Un seit Ende März sei mir aa ze Gast im „Betreitn Wuhne“ un basteln dort annern Nochmittich mit de Bewuhner.
Des macht däne Spaß, kaa iech eich sogn.
Desserwagn komme mir wieder, alle 2 Monat un mannichsmol aa mit Gitar un Gesang, wu se allezam mit eistimme kenne!
