Vor 14 Togn kam ne Eilading vu dor
„LEADER Aktionsgruppe Westerzgebirge“ :
Zwee unnerschriftsberechtichte ausn Vürstand sölltn
an Freitich, ne 19. Juli
nei de Zinnkammern nooch dor Pöhl komme,
do gäbs Gald
ausn Regionalbudschee for die,
die ihrn Aatroch richtich un rachtzeitich
voll ausgefüllt eigereicht ham
un dar wiederim vu ner Kommissjon bestäticht wurn is.
Un do warn mir dorbei!
Mir ham uns eweng neie Multimediatechnik eigebild,
weil unnere alte Sach schu ganz schie betogt is.
Tja un wos söll iech eich sogn?
Itze kaa eigekaaft warn!
Aus den 3 Aagebotn, wos mir uns dorstelln habn lessn,
is is ginstichste genumme wurn un des macht 1967,91 €,
dodorvu warn 80 Prozenter gefördert,
also kriegn mir genau 1574,33 €.
De Iebriche müssn mir salberscht drauflegn.
Aber dodormit kenne mir schu gut labn.
Des is auf jedn Fall ne schiene Sach
un werd uns e ganzis Stickl wetterhalfn!