Aktuelles oder is neieste aus´n Verein

Des neie Gahr is do!
Mir wünschen all unnern Mitgliedern

un Freunden
beste Gesundhaat un Wohlergehn!
Mir alle hoffn, des unnere Hutznobnde

bal wieder möchlich sei warn,
aber eweng Geduld wern mir wohl
noch hobn müssen…

Des war e schiener Haamitobnd!

Unner Besuch in Q-Stall hat siech total geluhnt in zweerla Hiesicht:
Zum enn hat de Ulrike Seidel mit ihre Gehilfn e Buffet hiegezaubert, des war aafach sagnhaft un geschmeckt hatts, des war vun Feinstn!
Zen annern natierlich aa unner Ieberraschungsgast aus Aue:
Sigmar Jargosch, ehemals Chef vom TO Aue: Mit 81 als
Allaaunnerhalter noch immer un immer wieder unnerwags,
ganz egal öb ze grössern Fastern, Hochzeitn oder abn zu suner Sach wie unnern Hutznobnd samt sein Saxephon un sein Klarienttl.  
Alle altn Melodien kame zen Eisatz, allis war sprachlus über
die schiene Musik.

Ausgemacht war ne gute Stund, do draus sei dann ieber
2 un ne halbe Stund wurn! Aafach herrlich!
Do konnt mor ins Schwärme komme un an vorgangne
alte Zeiten denken…
Meh Bildle find ihr in dor Seit unnern Menü „Erinnerungen“.
Leider konnt unner Bastlobnd nu net stattfindn un aa de Weihnachtsfeier musst ausfalln…
Aber irngdwann werds wuhl wieder emol gieh, de Hoffning stirbt zeletzt!!!

Blebt alle schie gesund   –   Eier Schmidti

Veranstaltungen